يعنى ايه AdSense
او
ايه هوAdSense
1- يعنى ايه ادسنس ؟
ادسنس هى فرع من فروع شركه جوجل المعروفه طبعا وهى عباره عن وسيط . .
بتاخد من المعلن سعر على اعلانه وبتجهز الشفرات تجيب الزوار وليك من السعر المدفوع من المعلن نسبه 68% ولشركه Google 32% والبنسبه للسحب بعد انتهاء الشهر . .
2 - ماهى طريقة وضع الاعلانات على موقعى
جوجل يا بتجهز شفره معينه عباره عن اكواد ف اكواد موجود بها كود الناشر بتاعك ومساحه الوحده الاعلانيه وتبقى دى شفره من حساب Google Adsense تركبها ف البلوجر من التخطيط هتروح تحطها ف القالب على طول في النموذج العادى
3 - عدم ظهور الأعلانات على الموقع
* اما الحساب ده مستضاف يوتيوب بس بالتالى هتلاقى شفرات جواه اه بس مش هتظهر ولا على بلوجر ولا على اى موقع او الحساب مستضاف بلوجر مثلا وانت بتركب الشفرات على موقع فالحساب لازم يكون عادى مش بلوجر بالتالى الشفرات مش هتظهر
* انك تكون لسه عامل الشفره حالا من الحساب وبتتاخر فى الظهور لمدة لا تزيد عن 20 دقيقه .
* انك تكون لسه عامل الشفره حالا من الحساب وبتتاخر فى الظهور لمدة لا تزيد عن 20 دقيقه .
* اما الحساب وهمى 😕.
4 - يعنى ايه حساب وهمى ؟
يعنى تم الاحتيال عليك به توضيح اكثر . . طريقه بيتعمل بيها حساب امريكى بالتالى سيظهر انه حساب عادى وسعره المفروض 1500 جنيه لكن ولا هيظهرله اعلانات ولا هتقبض منه اصلا
بيتعرف ازاى ؟
هقولك . . مش هتلاقى نسبه ناشر خالص يعنى هتلاقى كلمه content وبس ولا هتلاقى 68% ولا حتى عشين ف الميه ده على طول وهمى وشكرا على كده ملوش لازمه ولا ليه سعر حتى
5 - نسبه النقر
نسبه النقر مش على اعلان واحد بتبقى على مجموع اعلاناتك يعنى لو انت حاطط ثلاث اعلانات ف الموقع ونسبه النقر عندك 10% مش يعنى كل 100 زائر عشره منهم بيعملو نقرات لا يعنى كل 100 زائر بيجيلك منهم 3 نقرات بس يعنى النسبه بتتوزع على اعلاناتك
ولو النسبه عندك ثابته ف النقر من الزوار بتزيد او تقل لما تحط اعلانات اكتر . .يعنى ايه الكلمه دى ؟
يعنى انت واحد حاطط اعلان واحد عندك ف الموقع مش مخالف وبراحتك عادى وجالك عالاعلان ده 10 نقرات لكل ميه زائر . . يعنى النسهب عندك 10% لو حبيت تقللها هتحط اعلان تانى هتلاقى النسبه اتقسمت على اعلانين بقت نسبه النقر 5 % لو حطيت تلاته هتلاقيها 3 % وهكذا . .
واخرك ثلاث اعلانات انت مش بريميوم
6 - يعنى ايه بريميوم ؟
عشان تقدم على حساب زى ده لازم يبقى معاك موقع بيجيله يوميا ملايين الزيارات يومياااااا وشرعى مليون في الميهالحساب ده تمنه حوالى 15 الف دولار بس زى ما ليه مميزات ليه عيوب . .
مميزاته :
مبيتقفلش نهائى - معاك دعم 24 ساعه لو طلبت اى حاجه او اى مشكله عندك بتتحل - نسبه الناشر عندك مش 68% لا دى 85% - تقدر تحط خمسين اعلان عادى جدا - بتبقى ضامن القبض وبطنك مش بتوجعك لما الناس كلها حساباتها تتقفل
عيوبه :
لو اشتغلت عليه بيخصم يعنى لو جبت مبلغ 90 الف دولار ف الشهر مثلا تقبض 60 بس - لو اشتغلت مخالف هيخصم نسبه اكبر كده دى عيوبه . . الخصم الكبير
7 - الفرق بين الامريكى والمصرى والهندى ؟
كلهم معرضين في اى وقت انهم يتقفلو . . . الفكره كلها ف ايه ؟الفكره ان لو انت شغال على امريكى اذا انت بتقبض بايونير حلو كده ؟ الدولار هتاخده على 8.5 يعنى كل الف دولار بتجيبه هتاخد عليه 8500 جنيه فى حين انك لو شغال مصرى وقبضتهم ويسترن دولارات وبدلتهم سوق سودا هتبدله على 10 يعنى هتخسر ف كل الف دولار 1500 جنيه مصرى
الموضوع بالنسبالك عادى ومش مهم لانك ممكن متجيبش الف دولار بس بالنسبه للناس القديمه والتقيله والى بيجيبو شهرى حوالى 10 الاف دولار الخصم الى هيتعمل معاه هيبقى حوالى 30 الف جنيه يعنى مبلغ كبير جدا انما بيتقفل اه بيتقفل زيه زى اى حاجه
8 - لو هتتعامل مع البايونير خد بالك من الكام حاجه دول
اول حاجه انا ليه بقول الظرف مقفول لما بشتريها ؟ مبدئيا عشان لو الظرف مفتوح ممكن ف ثوانى لو حطيت فيها فلوس متتسرقش باى طرقة كانت
لو اكتشفت ان البايونير دى جايه من ريفير متشتغلش بيها ليه بقا ؟ لان ف ثوانى لو حصل مشكله ف بايونير من دول هتلاقى البايونير سحبو وراها كل الى واخدين منهم اللينك وهتتوقف
الناس الى بتعمل باى رقم قومى وهمى ويبعتو وخلاص ويظبط مع صاحب البوسطه ويوصله 50 بايونير البايونير دى ولا ليها اى ستين لازمه لان هتيجى تفعلها هتبقى معموله برقم قومى فقط وعشان تزور بطاقه وتبعتها بنفس الاسم والرقم القومى الى مبعوتين بيها ويقفشوك انها مزوره هتاخد باند من الموقع وحلال عليك الفيزا
حاجه تانيه البايونير بياخدو منك كل سنه 30 دولار رسوم انت حطيت فيها فلوس يعنى بتستخدمها يعنى بتشتغل الشركه وهم بيخدو رسوم مقابل كدا لو محطتش خلاص انت مش بتستخدمها ومش هياخدو حاجه فبطلو هرى
الى يبيعلك البايونير سليمه هتاخد معاها ايه ؟
هتاخد معاها ميل وباسورد وبطاقه تبقى سليمه اسكنر باسم الى اتطلبت بيه عشان ترفعها للبايونير ويتاكدو انها وصلتك ويبقى الظرف بتاعها مقفول هو كده عامل معاك واجب وتمنها من 50-100 اكتر من كده استغلال اقل من كده نصاب9 - نسبه العرض النشط
يعنى ايه الكلمه دى وهتفيدنى ف ايه ؟مبدئيا العرض النشط دى يعنى الزائر بيشوف اعلانك ف الموقع كام ثانيه من اجمالى كام ثانيه قعدهم ف الموقع ومن اجمالى كام اعلان شافه بمعنى ؟
لو انت حاطط ثلاث اعلانات ف موقعك مثلا واعلانين ظاهرين فوق واعلان تحت هو مشافهوش وقعد ف الموقع 10 ثوانى والاعلانات ظهرتله بعد 5 ثوانى يبقى نسبه العرض النشط عندك تقريبا 40-45%
طب دى بتفيدنى بايه ؟
لو النسبه دى قلت عن 10-15% الحساب ده هيتقفل يعنى هيتقفل لان الى الناس مش واخده بالها منه انهم مهتمين بالنقرات ومش مهتمين بالعرض النشط ومعظم الحسابات بتتقفل بسببها اصلا لانها ف الغالب لازم تكون 50-60 % ولو عليت عن كده خير وبركه
طيب اعليها ازاى ؟
تعليها بان يبقى موقعك سريع ظهور الشفرات فيها ويبقى المحتوى بتاعك بيخلى الزائر يقعد ف الموقع اطول وقت ممكن ويبقى قدامه اعلانين مثلا مش تبقى حاطط اعلان فوق واعلان تحت وهو يقرى الموضوع ف النص ومعليهوش اعلانات
10 - ازاى اضمن اقبض ؟
مبدئيا مفيش حاجه اسمها كده نهائى يعنى انسى انك تقول انا شغال الشهر ده وهقبض يعنى هقبض لا انسى ولا حتى تحدد بنسبه النقر وكد لانها ف الاخر حظ ونصيبانا كان معايا حساب نسبه النقر فيه وصلت 40% وقولت ده استحاله اقبض منه نهائى خلاص وركنته وقولت فاكس ولقيت القبض نزل وحساب تانى كانت نسبه نقره 2% واتقفل وكمان كان مصرى فمش مقياس
11 - يعنى ايه مخالف ؟
المخالف كتير جدا اعلان مخفى بقا صفحه فيها اعلانات بس اعلان معلق حاجات كتير وهنزلها واحده واحده
المخالف الهدف منه ان العائد بدل ما يبقى عشره سنت يبقى عشرين دولار والقبض منه حظ يعنى بتشتغل على عشر حسابات تقبض من سته سبعه ولا خمسه والباقى يتقفل وهتفضل برضه كسبان
12 - ازاى اشد الزائر لموقعى
من اهم النقط الى اتكتبت في الموضوع
دلوقتى لما انا كنت شغال اجنبى الاجانب معروف دماغهم فين هاو تو ميك ده احسن حاجه هاو تو ميك اى حاجه من اى حاجه اضرب ممول ب 100 دولار هاتهم ف ادسنس الف لو موقعك كويس عائد عالى وشغل نضيف والدنيا فل لان هم بيحبو يبدعو تعالى بقا للعرب
العرب مينفعش اقولك حاجه معينة تشتغل عليها بس خد عندك الاستراتيجيه دى
مبدئيا انت بتنشر ايه ؟ ممول مثلا ولا بيدحات ؟ هنقول الاتنين
لو بيدجات :
اولا هتشوف نوعيه صفحتك ايه يعنى متبقاش صفحتك فنيه وتنشر اخبار دينيه او ثقافيه وتنشر فنانين لا انشر حاجه ليها علاقه بالماتريال بتاع صفحتك نفسها ولو صفحه فنان تنشر اخبار عن الفنان وده سهل واكيد معروف
تعالى بقا للممول :
بص يا معلم مبدئيا انت هتشوف اصلا هتمول لبلاد ايه يعنى لو مثلا دول عربيه هتفتح الاخبار وتشوف التريند النهارده ايه يعنى ايه تريند ؟ يعنى مثلا قضيه بيع الجزيرتين للسعوديه ده التريند الى ف مصر حاليا يعنى الموضوع الى شغال الكل هتلاقى تريند ف الاردن تريند ف ليبيا اشتغل عالترندات دى
لو مفيش اخبار والاخبار عاديه هم النوعين دول الى هياكلو معاك :
1 - شعوذه وجن وعفاريت وفلان لقى ف بطنه سحليه ولا بين صوابعه تعبان عشه متر وخش وشوف الفيديو . . 2 - العجائب والغرائب وبنت عندجها سبعتاشر عين والجو دهفى حاجه بقا مهمه . . سنه 2010-2011 مكنش فى الحاجات الى موجوده دلوقتى الى هى افكار المواقع زى شريك حياتك والمكان المناسب انك تعيش فيه
الحاجات دى ف الوقت ده الى كان بيجيله فكره زى دى كان بيبيعها لو معهوش امكانيات يعملها بتبقى فكره موقع تخلى الزائر يتشد وينشرها لوحده اصلا عشان يعرف اصحابه النتيجه يخشو هم كمان عشان يقلدوه وينشرو واصلا تلاقيه بيلف جوه عشرين صفحه وكلهم فيهم اعلانات ادسنس تلاقى نفسك مولت ف الوقت ده ب 5 دولار يقعدو شغالين بتاع نص شهر كل يوم بيجيلك 100 دولار وانت قاعد وكمان شغل شرعى مليون ف الميه
حاليا الكلام ده بقا سهل يتعمل ومعروف ف 2018 ومبقاش ياكل مع الناس فانتا بقا ودماغك وطريقتك وعنوان موضوعك واتعامل
13 - الخصم الكبير
مبدئيا لو شغال على حساب عادى مش بريميم وبيخصمو منك كتير ف ده لحالتيناول حاجه ان انت شغال اعلان مخفى لان ده افشخ انواع المخالف وبيتخصم منه كتير جداااااااا
تانى حاجه ان انت شغال مخالف عموما وده لازم بيتخصم منه وملوش حل مش هتعرف توقف الخصم ده زى قفل الحساب كده مش هتعرف تقف قصاده